Google ADS

Poroshenko: Uashingtoni nuk do të pranojë marrëveshje në pako Ukrainë-Siri

19:34 | 11 Prill 2017
Arbresh.info

Presidenti i Ukrainës, Petro Poroshenko ka marrë garanci nga Sekretari amerikan i Shtetit, Rex Tillerson se Uashingtoni nuk do të lejojë asnjë marrëveshje që do të lidhte fatin e Ukrainës bashkë me atë të Sirisë, njoftoi sot kabineti i Presidentit Poroshenko.

Poroshenko dhe Tillerson kanë zhvilluar një bisedë telefonike, në prag vizitës së sekretarit Tillerson në Moskë, i cili fillon nesër.

“Rex Tillerson theksoi se Uashingtoni nuk do të lejojë asnjë marrëveshje, që përfshin zgjidhjen në pako për situatën në Ukrainë dhe Siri”, thuhet në deklaratë, raporton Reuters.

Kievi është i shqetësuar në lidhje me mundësinë që Uashingtoni dhe Moska të arrin  marrëveshje, siç thuhet “pas shpinës” për Krime, të cilën Moska e ka aneksuar në vitin 2014 dhe një pjese tjetër të territorit të Ukrainës, i cili është nën kontrollin e forcave pro-ruse./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm